СОЛИҚ ТЎЛОВЧИНИНГ ИДЕНТИФИКАЦИЯ РАҚАМИ – ИНН

Россия Федерациясига ишлаш учун келган чет давлат фуқароларидан талаб қилинадиган ҳужжатлардан бири бу солиқ тўловчининг идентификация рақами дея таржима қилинувчи, бизга эса “ИНН” бўлиб таниш ҳужжатдир.

“Бу ҳужжат нима учун керак яна?!” дея норози бўлишни бошламай туринг. Аслида Россияга келгач, патентни қонуний равишда қўлга олиб, иш берувчи билан меҳнат шартномасини тузган чет мамлакат фуқаролари расмий ишлаётган ҳисобланади. Қонуний ишлаган шахсларнинг эса фаолияти ўз навбатида меҳнат стажи сифатида қайд этилиб, пенсия (!) олиш жараёнида аҳамият касб этади.

Демак, “ИНН” солиқ хизмати фуқаронинг даромади ва солиқ тўлаётганлигини назорат қилиб бориши учун  керак. 2016 йилнинг март ойидан бошлаб, “ИНН” расмийлаштириш шарт бўлган ҳужжатлардан бири. “ИНН” бўлмаса, патентни олиш ва узайтириш имконияти бўлмайди. Россия Федерациясида “ИНН” бир марта ва бутун умрга берилади.

“ИНН” бўлмаса патент учун тўловни тўлаб бўлмайди. Шундай қилиб, тўлов тўланмаса, патент автомат равишда бекор қилинади.

“ИНН” ҚАЕРДА ВА ҚАНДАЙ ОЛИНАДИ

“ИНН” олиш учун солиқ хизматига ёки давлат хизматларини кўрсатиш маркази (ЦЕНТР ГОСУДАРСТВЕННЫХ УСЛУГ)  га мурожаат қилишингиз керак бўлади.

Солиқ хизматидада сизга “ИНН” олиш учун аризани тўлдириб беришингизни сўрашади. Уч саҳифадан иборат аризани тўлдирганингиздан сўнг, паспортингиз ва унинг нотариал тасдиқланган таржимасини қўшиб, ҳодимга узатасиз. Аризангиз тўғри тўлдирилган бўлса, паспортингизни нотариал тасдиқланган таржимасини олиб қолишади (паспортингизни эмас) ва сизга қачон келишингизни айтишади. 10 кун ичида “ИНН” тайёр бўлади.

“ИНН” ОЛИШ УЧУН КЕРАКЛИ ҲУЖЖАТЛАР

Паспорт ва унинг нотариал тасдиқланган таржимаси. Паспортнинг таржимаси олиб қолинади.

Leave a Reply

Your email address will not be published. Required fields are marked *

Яндекс.Метрика