РОССИЯ ФУҚАРОЛИГИНИ ИМТИЁЗЛИ ОЛИШИ МУМКИН БЎЛГАН КАСБЛАР

2015 йилнинг 7 августидан  бошлаб Россия Меҳнат вазирлиги томонидан осонлаштирилган тартибда мамлакат фуқаролигини олиш имкониятига эга бўлган касб эгалари рўйхати мавжуд.

Россияда иш берувчи ва тадбиркорлар орасида катта талаб мавжуд касблар эгасига осонлаштирилган тарзда фуқаролик бериш тартиби бор. Ушбу рўйхатга кўра 74 мутахассислик эгаси бўлган хорижликлар учун бундай имконият бор. Шу тариқа, идора Россия меҳнат бозорида жиддий етишмовчилик сезилаётган бўш иш жойларини тўлдиришни режалаштирган десак, тўғри бўлади.

 “Россия Федерацияси фуқаролигини олиш ҳуқуқига эга юқори малакали мутахассислар – хориж фуқаролари ва фуқаролиги йўқ шахслар касблари (мутахассислиги, лавозими) рўйхатини тасдиқлаш тўғрисида” деб номланган Меҳнат вазирлиги қарорига мувофиқ, осонлаштирилган тартибда рус фуқаролигини, шу жумладан, тиббиёт ходимлари, инженерлар, чилангарлар, электрмонтажчилар, фармацевтлар, математиклар ва турли станоклар техниклари олиши мумкин.

Бугунги кунда имтиёзли Россия фуқаролигига  юқорида келтирилган касб эгаларидан ташқари, 3 йилдан ортиқ вақт яшаб меҳнат қилган ва йиллик даромадини 10 миллион рублдан оширган тадбиркор ёки 10 миллион рублдан ортиқ сармоя киритган хориж фуқароси даъвогарлик қилиши мумкин.

Comments 2

  • Assalom men 1992 yilga tug‘ulganman rossiya fuqaroligi olmoqchiman buning uchun nima kerak hamda menga 2018yilning 28 yanvar oyiga qadar sababsiz zapret qo‘yilgan

    • Салом, Акбар!
      Фуқароликни алмаштириш албатта бу ҳар бир инсоннинг эркин ҳуқуқи. Лекин бундай қарор қабул қилишдан аввал барча фойда ва зарар томонларини шошилмасдан ўйлаб кўришни тавсия қиламиз. Агар шунда ҳам қарорингиз қатъий бўлса, сайтимизни ва телеграм каналимизни @musofirru кузатиб боринг. Яқин орада фуқаролик олиш ҳақида маълумот эълон қиламиз. Эътиборингиз учун ташаккур!

Leave a Reply

Your email address will not be published. Required fields are marked *

Яндекс.Метрика